தமிழக அரசியல் களம் தற்போது ஒரு மிகப்பெரிய மாற்றத்தை நோக்கி நகர்ந்து கொண்டிருக்கிறது

கடந்த 2021 சட்டமன்றத் தேர்தலில், அப்போதைய அதிமுக-பாஜக கூட்டணி மீது நிலவிய அதிருப்தியைப் பயன்படுத்தி, ஒரு போலியான எழுச்சியை உருவாக்கி திமுக ஆட்சிக்கு வந்தது. ஆனால், கடந்த ஐந்து ஆண்டுகால ஆட்சியில் மக்கள் நலனை விட 'குடும்ப நலன்' மட்டுமே முன்னிறுத்தப்படுவதாகக் குற்றச்சாட்டுகள் எழுந்துள்ளன.

குடும்ப அரசியலும் கனிமொழி புறக்கணிப்பும்

திமுகவின் தற்போதைய செயல்பாடுகள் அனைத்தும் முதலமைச்சர் மு.க. ஸ்டாலின் அவர்கள் தனது மகன் உதயநிதி ஸ்டாலினை அடுத்த முதலமைச்சராக அமர்த்த வேண்டும் என்பதையும், தனது மருமகன் சபரீசன் அவர்களின் அதிகாரத்தை நிலைநாட்ட வேண்டும் என்பதையும் நோக்கியே நகர்கிறது. இதற்காகக் கட்சியின் மூத்த தலைவர்கள் மற்றும் மறைந்த கலைஞர் அவர்களுடன் பயணித்த துரைமுருகன் போன்றவர்கள் ஓரம் கட்டப்படுகிறார்கள்.

மிக முக்கியமாக, சொந்தத் தங்கை என்றும் பாராமல் கனிமொழி அவர்கள் திட்டமிட்டு அரசியலில் இருந்து பின்னுக்குத் தள்ளப்படுகிறார். திறமையின் அடிப்படையில் அவர் தலைவராகி விடுவார் என்ற அச்சத்தால், அவருக்குப் பதில் மருமகன் சபரீசனை டெல்லி அரசியலில் அமர்த்தும் வேலைகள் திரைமறைவில் நடப்பதாகத் தெரிகிறது. இன்று திமுக என்பது தொண்டர்களுக்கான கட்சி என்பதைத் தாண்டி, 'உதயநிதி-சபரீசன்' கூட்டணியின் கம்பெனியாக மாறிவிட்டது.

கூட்டணி கட்சிகளைச் சிதைக்கும் திமுகவின் சூழ்ச்சி

திமுகவுடன் கூட்டணி வைத்துள்ள கட்சிகளின் நிலைமை மிகவும் பரிதாபமாக உள்ளது. டெல்லி பாஜகவைப் போலவே, திமுகவும் தன் கூட்டணியில் உள்ள கட்சிகளைப் பலவீனப்படுத்தி அவற்றை விழுங்கப் பார்க்கிறது.

மதிமுக:

ஐயா வைகோ அவர்களால் உருவாக்கப்பட்ட ஒரு பேரியக்கம், இன்று தனது அடையாளத்தைத் தொலைத்து நிற்கிறது. நான்கு தொகுதிகளில் உதயசூரியன் சின்னத்திலேயே போட்டியிட வேண்டும் என்று கட்டாயப்படுத்துவது ஒரு ஜனநாயகப் படுகொலை. சொந்தச் சின்னத்தில் நிற்கக் கூடத் துணிவில்லாத நிலைக்கு வைகோ அவர்களின் கட்சி தள்ளப்பட்டுள்ளது.

விசிக:

அண்ணன் திருமாவளவன் அவர்களைத் தாண்டி, அக்கட்சியின் முக்கிய நிர்வாகிகளை நேரடியாகத் தனது கட்டுப்பாட்டில் திமுக வைத்திருக்கிறது. திருமாவளவன் அவர்களுக்குத் தெரியாமலேயே அவரது கட்சி நிர்வாகிகள் முதலமைச்சரைச் சந்திக்கும் நிலை உள்ளது. இது ஒரு கட்சியின் தன்னாட்சியைச் சூறையாடும் செயலாகும்.

காங்கிரஸ்:

100 ஆண்டுகாலப் பாரம்பரியம் மிக்க காங்கிரஸ் கட்சிக்கு இன்று தமிழகத்தில் உரிய மரியாதை இல்லை. ராகுல் காந்தியின் தீவிர விசுவாசிகளான ஜோதிமணி, மாணிக்கம் தாகூர் போன்றவர்களே இந்தத் தேர்தல் முறையினால் அதிருப்தியில் உள்ளனர். மாநிலத் தலைவர் செல்வப்பெருந்தகை அவர்கள் தேர்தல் முடிந்ததும் பதவி விலகுவேன் என்று கூறுவது, அக்கட்சிக்குள் இருக்கும் கொந்தளிப்பைக் காட்டுகிறது.

தேமுதிகவின் நிலைப்பாடும் கேப்டனின் ஆன்மாவும்

"தீய சக்தி திமுக" என்று முழங்கிய கேப்டன் விஜயகாந்த் அவர்களின் குடும்பம், இன்று அதே திமுகவுடன் கரம் கோர்த்திருப்பது கேப்டனின் விசுவாசிகளை வேதனையில் ஆழ்த்தியுள்ளது. கேப்டன் ரத்தம் சிந்தி உருவாக்கிய கல்யாண மண்டபத்தை இடித்தது இதே திமுக அரசுதான். இன்று அவரை கேலி செய்தவர்களுடன் கூட்டணி வைப்பது கேப்டனின் ஆன்மாவையே வருத்தமடையச் செய்யும். இதனால்தான் அக்கட்சியின் தொண்டர்கள் மத்தியில் பெரும் குழப்பம் நிலவுகிறது.

டிவிகே-வின் எழுச்சியும் மக்களின் வரவேற்பும்

திமுகவின் இந்தச் சூழ்ச்சிகளை உடைக்கும் விதமாகத் தமிழகம் முழுவதும் ஒரு புதிய மக்கள் எழுச்சி உருவாகியுள்ளது. குறிப்பாகத் தமிழக வெற்றிக் கழகத்தின் (TVK) வேட்பாளர்களுக்குத் தமிழகத்தின் மூலை முடுக்குகளிலெல்லாம் மக்கள் அமோக வரவேற்பு அளிக்கிறார்கள்.

• டிவிகே வேட்பாளர்கள் செல்லும் இடங்களில் தாய்மார்களும், பெண்களும் வீட்டை விட்டு வெளியே வந்து பூக்களைத் தூவி வரவேற்கிறார்கள்.
• மறுபுறம், திமுக வேட்பாளர்கள் செல்லும் இடங்களில் மக்கள் அவர்களை விரட்டியடிக்கும் சூழல் நிலவுகிறது. குறிப்பாகத் தென் மாவட்டங்களில் திமுகவினர் கிராமங்களுக்குள் நுழையவே மக்கள் தடை விதிக்கிறார்கள்.

மக்களின் எழுச்சியும் திமுகவின் போலி பிரச்சாரமும்

சுமார் இரண்டு மாதங்களுக்கு முன்பு, 26 கட்சிகளை இணைத்து ஒரு மெகா கூட்டணியை உருவாக்கிய திமுக, "200 தொகுதிகளில் நாங்கள்தான் வெற்றி பெறுவோம்" என ஒரு போலி பிம்பத்தை ஊடகங்கள் வாயிலாகக் கட்டமைக்கப் பார்த்தது. ஆனால், இன்று கள யதார்த்தம் முற்றிலும் வேறாக உள்ளது.

தமிழகம் முழுவதும் தமிழக வெற்றிக் கழகத்தின் வேட்பாளர்கள் பிரச்சாரம் செய்யும்போது, வீடுகள் மற்றும் மாடிகளில் இருந்து தாய்மார்களும், பெண்களும் திரண்டு வந்து பூக்களைத் தூவி வரவேற்கிறார்கள். இது ஒரு மாபெரும் மக்கள் எழுச்சியாக மாறியுள்ளது. மாறாக, பல இடங்களில் திமுக வேட்பாளர்களை மக்கள் ஊருக்குள் நுழைய விடாமல் விரட்டியடிக்கும் சூழல் நிலவுகிறது. குறிப்பாகத் தென் மாவட்டங்களில் திமுகவிற்குப் பெரும் எதிர்ப்பு கிளம்பியுள்ளது.

2021-க்கும் இன்றைய சூழலுக்குமான வித்தியாசம்

2021 தேர்தலில் திமுக வெற்றி பெற்றதற்குக் காரணம், அப்போதைய அதிமுக-பாஜக கூட்டணி மீது நிலவிய அதிருப்தியும், ஊழல் புகார்களுமே ஒழிய திமுகவின் தனிப்பட்ட சாதனை அல்ல. மு.க. ஸ்டாலின் மாற்றத்தைக் கொண்டு வருவார் என மக்கள் நம்பினார்கள். ஆனால், இந்த ஐந்து ஆண்டுகளில் அவர் மக்கள் நலனுக்காக எதையும் செய்யவில்லை. மாறாக:

• தனது மகன் உதயநிதி ஸ்டாலினை முதலமைச்சராக்க வேண்டும்.
• தனது மருமகன் சபரீசனை டெல்லியில் அதிகார மையமாக (ராஜ்யசபா எம்பி) அமர்த்த வேண்டும்.

என்ற குடும்ப நோக்கம் மட்டுமே பிரதானமாக உள்ளது.

கனிமொழி மற்றும் மூத்த தலைவர்கள் புறக்கணிப்பு

திறமையின் அடிப்படையில் கனிமொழி அவர்கள் கட்சித் தலைவராகிவிடுவார் அல்லது செல்வாக்கு பெற்றுவிடுவார் என்ற அச்சத்தில், அவரைத் திட்டமிட்டு ஓரம் கட்டி வருவதாக ஆதவ் அர்ஜுனா குற்றம் சாட்டினார். கனிமொழிக்கு மட்டுமல்லாமல், கலைஞருடன் பயணித்த துரைமுருகன் போன்ற மூத்த தலைவர்களுக்கும் இன்று கட்சியில் உரிய மரியாதை இல்லை. இன்றைய திமுக என்பது 'உதயநிதி - சபரீசன்' பிடியில் சிக்கிய ஒரு குடும்ப நிறுவனம் ஆகிவிட்டது.

கூட்டணி கட்சிகளைச் சிதைக்கும் திமுகவின் 'சூரியன்' சின்னம்

கூட்டணி கட்சிகளின் அடையாளத்தை அழிப்பதே திமுகவின் நோக்கம் எனச் சாடிய அவர், அதற்குச் சில உதாரணங்களை முன்வைத்தார்:

மதிமுக:

வைகோ அவர்கள் எதற்காகத் தனி கட்சி தொடங்கினாரோ, அதன் நோக்கமே இன்று சிதைக்கப்பட்டுள்ளது. நான்கு தொகுதிகளிலும் 'உதயசூரியன்' சின்னத்தில் நிற்கச் சொல்வது ஒரு ஜனநாயக அத்துமீறல். இது அவர்களைத் திமுகவின் எம்.எல்.ஏ-க்களாக மாற்றும் முயற்சி. பீகாரில் நிதிஷ்குமார் கட்சியை பாஜக சிதைத்தது போல, தமிழகத்தில் கூட்டணி கட்சிகளைத் திமுக சிதைக்கிறது.

விசிக: அண்ணன் திருமாவளவன் அவர்களுக்குத் தெரியாமலேயே, அவரது கட்சி முக்கிய நிர்வாகிகளை (உதாரணமாக ஷாநவாஸ்) நேரடியாகத் தன்பக்கம் இழுத்து திமுக அடிமைகளாக மாற்றப் பார்க்கிறது.

கேப்டனின் ஆன்மா மன்னிக்காது!

தீயசக்தி திமுகவை ஒழிக்க வேண்டும் என்று சபதம் எடுத்த கேப்டன் விஜயகாந்த் அவர்களின் தேமுதிக, இன்று அதே திமுகவுடன் கரம் கோர்த்திருப்பது கேப்டனின் ஆன்மாவையே சாந்தி அடையச் செய்யாது. கேப்டன் வியர்வை சிந்தி உருவாக்கிய கல்யாண மண்டபத்தை அதிகாரத்தைக் கொண்டு இடித்தவர்கள் திமுகவினர். அன்று அவரை இழிவுபடுத்திப் பேசியவர்களுடன் இன்று கூட்டணி வைப்பதில் கேப்டனின் வாரிசுகளுக்கே உடன்பாடு இல்லை என்ற தகவல் வருகிறது.

காங்கிரஸ் மற்றும் செல்வப்பெருந்தகையின் நிலை

100 ஆண்டுப் பாரம்பரியம் கொண்ட காங்கிரஸ் கட்சியில் இன்னும் வேட்பாளர் பட்டியலே முழுமை பெறவில்லை. ராகுல் காந்தியின் விசுவாசிகளான ஜோதிமணி, மாணிக்கம் தாகூர் போன்றவர்களே இந்தத் தேர்தலைப் புறக்கணிக்கும் நிலைக்குத் தள்ளப்பட்டுள்ளனர். தமிழக காங்கிரஸ் தலைவர் செல்வப்பெருந்தகை, "தேர்தல் முடிந்ததும் ராஜினாமா செய்வேன்" என்று கூறுவதிலிருந்தே அக்கட்சிக்குள் இருக்கும் அதிருப்தி வெளிப்படையாகத் தெரிகிறது.

தவெகவின் தயார்நிலை

"டிவிகே-விற்கு அனுபவம் உண்டா? 234 தொகுதிகளில் வேட்பாளர்களை நிறுத்த முடியுமா?" எனக் கேட்டவர்களுக்குப் பதிலடி கொடுக்கும் விதமாக, ஏற்கனவே 185-க்கும் மேற்பட்ட வேட்பாளர்கள் மனுத்தாக்கல் செய்துவிட்டனர் என்றும், ஏப்ரல் 6-க்குள் 234 தொகுதிகளிலும் வேட்புமனுத் தாக்கல் முழுமையடையும் என்றும் அவர் தெரிவித்தார்.

சுயமரியாதை என்பது என்ன?

"சுயமரியாதை என்பது ஒரு கட்சி தன் சொந்தக் காலில் நிற்பதில் இருக்கிறது" எனத் தொடங்கிய அவர், ஒவ்வொரு கட்சிக்கும் ஒரு கொள்கை இருக்க வேண்டும், அந்த கொள்கையை மக்களிடம் கொண்டு சென்று வெற்றி பெற்று மக்களுக்குச் சேவை செய்வதுதான் ஜனநாயகம் என்றார். ஆனால், திமுக தனது கூட்டணி கட்சிகளின் ஜனநாயக உரிமைகளைக் குழிதோண்டிப் புதைத்து வருவதாகச் சாடினார்.

கூட்டணி கட்சிகளை அழிக்கும் திமுகவின் 'பன்னையார்' அரசியல்

திமுக இன்று ஒரு ஆதிக்க சக்தியாக மாறிவிட்டது என்று குறிப்பிட்ட ஆதவ் அர்ஜுனா, கூட்டணி கட்சிகளைத் திமுக கையாளும் விதத்தைப் பின்வருமாறு விளக்கினார்:

• கம்யூனிஸ்ட் கட்சிகள்: கொள்கை பிடிப்புள்ள கம்யூனிஸ்ட் தோழர்களை அழுத்தம் கொடுத்து, அவர்களின் தொகுதிகளைக் குறைத்து அவர்களைச் சிறுமைப்படுத்துகிறது திமுக.
• மதிமுகவின் அடையாளம் அழிப்பு: வைகோ அவர்களின் கட்சியை நான்கு தொகுதிகளிலும் உதயசூரியன் சின்னத்தில் நிற்க வைத்து, அந்தத் தனித்துவமான இயக்கத்தையே திமுகவாக மாற்றி ஒழித்துவிட்டார்கள்.
• விசிக மீதான அழுத்தம்: அண்ணன் திருமாவளவன் அவர்கள் மாநில அரசியலுக்கு வர வேண்டும், 2031-ல் விசிகவைப் பலப்படுத்த வேண்டும் என்ற பெரிய கனவோடு இருந்தார். ஆனால், கடந்த சில நாட்களில் உதயநிதி ஸ்டாலின் மற்றும் மருமகன் சபரீசன் கொடுத்த அழுத்தத்தினால் அவர் தனது முடிவை மாற்ற வேண்டிய நிலைக்குத் தள்ளப்பட்டுள்ளார்.

சபரீசன் யார்? - ஆதவ் அர்ஜுனாவின் கேள்வி

40 ஆண்டுகளாகத் தலித் மக்களுக்காகவும், தமிழ் தேசியத்திற்காகவும் வீதியில் நின்று போராடிய திருமாவளவன் போன்ற ஒரு மூத்த தலைவரை, முதலமைச்சரின் மருமகன் என்ற அடையாளத்தைத் தவிர வேறு எந்த அரசியல் அறிவும் இல்லாத 'சபரீசன்' போன்றவர்கள் தனிப்பட்ட முறையில் அழைத்து மிரட்டுவது எந்த விதத்தில் நியாயம்? தலித் தலைவர்களைச் சிறுமைப்படுத்துவதே திமுகவின் வேலையாகப் போய்விட்டது.

உதயநிதிக்காக உருவாக்கப்பட்ட ‘பாதுகாப்பான’ பாதை

திமுகவின் ஒட்டுமொத்த அரசியலும் உதயநிதி ஸ்டாலினை முதலமைச்சராக்குவதை நோக்கியே சுழல்கிறது. அதற்காகவே கூட்டணிக் கட்சித் தலைவர்கள் யாரும் மாநில அரசியலில் செல்வாக்கு பெற்றுவிடக்கூடாது எனத் திட்டமிட்டு அவர்களை டெல்லிக்கு (எம்பி சீட் கொடுத்து) அனுப்பி வைக்கிறார்கள்.

"ஒரு போட்டியில் எதிராளியே இல்லாமல் ஓடி ஜெயிப்பதைப் போல, அனைத்து தலைவர்களையும் காலி செய்துவிட்டு தன் மகனை மட்டும் ஓட வைக்கும் பணபல அரசியலை திமுக முன்னெடுக்கிறது."

தலித் மக்களின் வேதனையும் திமுகவின் மௌனமும்

கடந்த ஐந்து ஆண்டுகளில் தலித் மக்களுக்கு இந்த அரசு எதையும் செய்யவில்லை. வேங்கைவயல் விவகாரத்தில் பாதிக்கப்பட்டவர்கள் மீதே வழக்கு போடப்பட்டது. ஒரு தலித் பெண் பாலியல் வன்கொடுமை செய்யப்பட்டு உயிரிழந்தபோதும், முதலமைச்சர் அந்த வீட்டுக்குச் சென்று ஆறுதல் கூறவில்லை. "பிஜேபி வந்துவிடும்" என்ற ஒற்றை காரணத்தைச் சொல்லித் திருமாவளவன் போன்ற தலைவர்களை அமைதியாக இருக்கச் செய்து, அவர்களின் உரிமைகளைப் பறிப்பதே திமுகவின் சூழ்ச்சி.

தவெக-வின் பலமும் தேர்தல் தயார்நிலையும்

தமிழக வெற்றிக் கழகத்திற்கு அனுபவம் இல்லை என்று சொல்பவர்களுக்குப் பதிலடியாக:

• எந்தவொரு 'வகுப்புவாத' அல்லது 'போலி மதச்சார்பற்ற' கூட்டணியும் இல்லாமல், 234 தொகுதிகளிலும் தவெக தனித்து நிற்கிறது.
• ஏற்கனவே 150-க்கும் மேற்பட்ட வேட்பாளர்கள் மனுத்தாக்கல் செய்துவிட்டனர்.
• சுமார் 150 வழக்கறிஞர்களைக் கொண்ட 'வார்ரூம்' (War Room) மூலம் அனைத்து சட்டப்பூர்வ நடைமுறைகளும் கண்காணிக்கப்படுகின்றன.

பணபலத்திற்கு எதிரான மக்கள் அலை

வில்லிவாக்கம் போன்ற தொகுதிகளில் திமுக 3,000 முதல் 10,000 ரூபாய் வரை வாக்காளர்களுக்குக் கொடுக்கத் திட்டமிட்டுள்ளது. ஆனால், தவெக ஒரு ரூபாய் கூடக் கொடுக்காமல் மாற்றத்திற்காக மக்களிடம் செல்லும். "மக்களின் எழுச்சி ஒரு மிகப்பெரிய அலையாக (Wave) மாறும், அதன் முடிவு தேர்தல் முடிவுகளில் தெரியும்" என ஆதவ் அர்ஜுனா உறுதியாகத் தெரிவித்தார்.

2021-ல் கொடுத்த வாக்குறுதியும், ஏமாற்றிய ஸ்டாலினும்

"2015 முதல் 2021 வரை நான் திமுகவின் தேர்தல் வியூகப் பணிகளில் இருந்தவன் என்பது அனைவருக்கும் தெரியும். அப்போது மு.க. ஸ்டாலின் அவர்கள், 'நாங்கள் காமராஜர் ஆட்சியைத் தருவோம், குடும்ப ஆட்சி இருக்காது, ஊழல் செய்ய மாட்டோம்' என்றுதான் கூறினார். ஆனால், வெற்றி பெற்ற மூன்றே மாதங்களில் சபரீசன் மற்றும் அவரது நண்பர்கள் குழு அனைத்துத் துறைகளிலும் ஊழல் செய்யத் தொடங்கிவிட்டனர்.

எதிர்க்கட்சியாக இருக்கும்போது 'எட்டு வழிச் சாலை' திட்டத்தைக் கடுமையாக எதிர்த்த திமுக, இன்று அதே திட்டத்தைச் செயல்படுத்தத் துடிக்கிறது. அதிகாரத்திற்கு வந்தவுடன் கொள்கைகளைத் தூக்கி எறிந்துவிட்டு, ஊழலை மட்டுமே குறிக்கோளாகக் கொண்டு செயல்படுவதால்தான் நான் அங்கிருந்து வெளியேறி அண்ணன் திருமாவளவனுடன் இணைந்தேன்," என்று ஆதவ் அர்ஜுனா தனது அரசியல் மாற்றத்திற்கான காரணத்தை விளக்கினார்.

1. தேர்தல் களத்தில் ரவுடிசமும் பணப்பட்டுவாடாவும்

திமுகவின் தேர்தல் வெற்றி என்பது மக்கள் செல்வாக்கால் அல்ல, மாறாகப் பணபலத்தாலும் ரவுடிசத்தாலும் கட்டமைக்கப்படுவது என்று அவர் குற்றம் சாட்டினார்:

• அச்சுறுத்தல்: 104-வது வார்டில் தவெக-வின் பூத் ஏஜென்ட் ஒருவரை திமுகவினர் தரக்குறைவாகப் பேசி மிரட்டியுள்ளனர். தவெக அலுவலகம் போடுவதற்குக்கூட விடாமல் ரவுடிசத்தில் ஈடுபடுகிறார்கள்.
• பணப்பட்டுவாடா: ஒவ்வொரு பூத்திலும் குறைந்தது 5,000 ரூபாய் முதல் 10,000 ரூபாய் வரை வாக்காளர்களுக்குக் கொடுக்க திமுக இப்போதே பணத்தை லோடு செய்து வருகிறது.
• மக்களின் கேள்வி: "கொளத்தூருக்குப் பக்கத்தில்தான் வில்லிவாக்கம் இருக்கிறது. ஆனால், கடந்த 5 ஆண்டுகளில் முதலமைச்சர் ஒருமுறை கூட வில்லிவாக்கம் பக்கம் வரவில்லை ஏன்?" என மக்கள் கேள்வி எழுப்புகிறார்கள்.

2. திமுகவின் 'பயன்படுத்தித் தூக்கியெறிக்கும்' அரசியல்

திமுகவில் கலைஞரால் உருவாக்கப்பட்ட மூத்த தலைவர்கள் இன்று ஓரம் கட்டப்படுவதை அவர் சுட்டிக்காட்டினார்:

• ஆர். ராசா: ஒரு தலித் தலைவரான ஆர். ராசாவைத் திமுக தலைமை வேலை வாங்கிக்கொண்டு, இன்று அவரை எங்கே இருக்கிறார் என்றே தெரியாத நிலைக்குத் தள்ளிவிட்டது. அவரது ஆடியோவை வெளியிட்டதே திமுகதான்.
• ஐ. பெரியசாமி vs செந்தில் பாலாஜி: 2021-ல் தென் மாவட்டங்களில் திமுக வெற்றி பெறக் காரணமாக இருந்த ஐ. பெரியசாமியை விட, எங்கிருந்தோ வந்த செந்தில் பாலாஜிக்கு அதிக முக்கியத்துவம் மற்றும் நான்கு முக்கிய துறைகள் வழங்கப்பட்டன. இதுதான் திமுகவின் விசுவாசத்திற்குத் தரும் பரிசு.

3. கொள்கை தெரியாத 'வாரிசு' அரசியல்

"உதயநிதி ஸ்டாலினுக்கோ அல்லது செந்தில் பாலாஜிக்கோ பெரியார் கொள்கைகளைப் பற்றி என்ன தெரியும்?" என்று கேள்வி எழுப்பிய அவர், 1944 மாநாட்டில் பெரியார் பேசியது குறித்தோ, இருமொழிக் கொள்கை குறித்தோ விவாதிக்கத் தான் தயார் என்றும், திமுகவினர் வெறும் 'மீடியா செட்டிங்' மூலம் பிம்பத்தை உருவாக்குகிறார்கள் என்றும் சாடினார்.

4. புதுச்சேரியில் தவெக-வின் சுனாமி

புதுச்சேரி தேர்தல் களம் குறித்துப் பேசிய அவர், "நேற்று புதுச்சேரியில் நடந்த பிரச்சாரம் ஒரு புயல் போல அமைந்தது. அங்குள்ள பழைய அரசியல் மரங்களை இந்தப் புயல் வேரோடு சாய்க்கும். எங்கள் கணிப்புப்படி, புதுச்சேரியில் தவெக 12 முதல் 14 இடங்களில் வெற்றி பெற்று ஆட்சியைத் தீர்மானிக்கும் சக்தியாக மாறும்," என்றார்.

5. அதிமுக மற்றும் பாஜகவின் நிலை

"இன்று களம் என்பது டிவிகே vs திமுக என்றுதான் உள்ளது. அதிமுகவின் 26% வாக்கு வங்கி ஏற்கனவே தவெக-விற்கு மாறிவிட்டது. ஈபிஎஸ் மீது அதிமுக தொண்டர்களே நம்பிக்கை இழந்துவிட்டனர். பாஜகவைப் பொறுத்தவரை, அண்ணாமலையே விரக்தியில்தான் இருக்கிறார். அந்தத் தரப்பில் 3% முதல் 4% வாக்குகளுக்கு மேல் இல்லை. எனவே, அவர்களைப் பற்றிப் பேசி நேரத்தை வீணடிக்க விரும்பவில்லை," என்று கள நிலவரத்தைத் தெளிவுபடுத்தினார்.

6. காவல்துறையும் பாதுகாப்பு சவால்களும்

தவெக தலைவர் விஜய் அவர்களின் பிரச்சாரத்திற்கு மக்கள் அலைகடலெனத் திரள்வதால், பாதுகாப்பு காரணங்களுக்காகக் காவல்துறையின் அனுமதியைப் பெற்றுத் திட்டமிட்டு வருகிறோம். திருச்சி காவல்துறைக்குத் தனது நன்றியைத் தெரிவித்த அவர், புதிய டிஜிபி-க்கு வாழ்த்துகளைத் தெரிவித்தார். மேலும், சென்னை கமிஷனரை மாற்றினால் தலைநகரில் பாதுகாப்பு இன்னும் சிறப்பாக இருக்கும் என்றும் குறிப்பிட்டார்.

7. "77-ல் எம்ஜிஆர் நிகழ்த்திய அரசியல் மாற்றத்தை 50 ஆண்டுகள் கழித்து இன்று மக்கள் தவெக மூலம் நிகழ்த்துவார்கள்"

100-ல் 70 பேர் தவெக என்று சொல்லும் காலம் வந்துவிட்டது. வெற்றி நமதே!" என்ற நம்பிக்கையுடன் ஆதவ் அர்ஜுனா தனது உரையை நிறைவு செய்தார்.